Sirdaryo yuridik texnikumida bugungi kunda Kompyuter grafikasi va dizayn operatori hamda Aloqa operatori yo‘nalishlaridan tashqari, Davlat-huquqiy faoliyat, Yuridik xizmat va Sud-huquqiy faoliyat yo‘nalishlarida jami 142 nafar o‘quvchi tahsil olib kelmoqda.

“Yoshlar kuni” munosabati bilan Sirdaryo viloyat adliya boshqarmasi boshlig‘i Jahongir Zoxidovning yoshlar bilan uchrashuvi yurisprudensiya yo‘nalishida tahsil olayotgan o‘quvchilar bilan ochiq muloqot tarzida o‘tdi.

Uchrashuv davomida huquqshunoslik sohasida zamonaviy talablar, davlat xizmatiga kirish tartiblari, amaliyot va ishga joylashish masalalari yuzasidan atroflicha tushuntirishlar berildi.

Muloqotda bugungi kunda bilimli, keng dunyoqarashga ega bo‘lgan yosh kadrlarga ehtiyoj ortib borayotgani ta’kidlandi.

Tadbir samimiy ruhda o‘tib, yoshlar uchun nafaqat bilim, balki motivatsiya manbai bo‘ldi.