Davlatimiz rahbarining yoshlar bilan ularning tashabbuslarini qo‘llab-quvvatlash va qo‘shimcha imkoniyatlar yaratishga bag‘ishlangan muloqotida mamlakatimizda har haftaning payshanba kuni vazirlik, idora va hokimliklarda “Yoshlar kuni” sifatida o‘tkazilishi belgilandi.

Joriy yil 24-fevral kuni Prezidentimiz tomonidan o'tkazilgan video selektor yig‘ilishida belgilangan vazifalar ijrosini ta’minlash maqsadida Nasos stansiyalari va energetika boshqarmasida haftaning har payshanba kuni “Yoshlar kuni” doirasidagi ochiq muloqot amaliy natijalar bilan boshlandi.

Mazkur uchrashuvda Nasos stansiyalari va energetika boshqarmasi boshligʻi, boshqarma boshligʻi oʻrinbosari, yoshlar yetakchisi hamda 13 nafardan iborat yoshlar ishtirok etishdi.

Uchrashuv davomida yoshlarning doimiy ish bilan ta’minlash, oʻz-oʻzini band qilish, tadbirkorlik qilish, kredit ajratish, yer masalalari, ta’lim va kasb-hunar o‘rganish bilan bog‘liq murojaatlari tinglandi. Yoshlarning muammolari oʻz yechimini topdi.